Пирĕн халăх тĕррине тĕнчипех пĕлеççĕ. Ĕлĕкхи тĕрĕсем пире халĕ те хăйсен илемĕпе тĕлĕнтереççĕ.

   Чăваш Республикин Пуçлăхĕ Олег Николаев хушăвĕпе килĕшÿллĕн чÿк уйăхĕн 26-мĕшĕнче республикăра Чăваш тĕррин кунне уявлама палăртнă. Çак уява халалласа Тăрмăшри вăтам шкулта 7-мĕш класра вĕренекенсен класс сехечĕ пулчĕ. Класс ертÿçи З.Н.Григорьева ачасене чăваш тĕррин илемĕпе паллаштарчĕ. Ачасем масмак, сурпан тĕррисене курса тĕлĕнчĕç, тĕрĕре кашни тĕс, кашни чикĕм пĕлтерĕшлĕ пулнине пĕлчĕç.

  Юлашкинчен «Чăваш тĕрри илемĕн тĕнчи» презентаци курчĕç.