Ака уйăхĕн 25-мĕшĕнче Чăваш Республикин Аслă Совет Президиумĕн 1992-мĕш  çулхи апрелĕн 9-мĕшĕнчи йышăнăвĕпе килĕшÿллĕн чăваш халăхне çутта кăлараканĕ, çĕнĕ чăваш çырулăхне йĕркелекенĕ И.Я. Яковлев çуралнă кун,эпир Чăваш чĕлхи кунне паллă тăватпăр.

Кăçал та çак куна уявлама ачасем пысăк тăхтав вăхăтĕнче линейкăна пуçтарăнчĕç. Чăваш чĕлхи çинчен сăвăсем вуларĕç. Конова К. (1кл.) «Мухтанчăк чакак», ,Ялугина Ангелина (9 кл.)  Н. Евдокимов çырнă «Картара», Степанова Виктория (7 кл.) Юхма Мишши çырнă «Çĕр улми аврипе мăян»  юптарусем калани пурне те килĕшрĕ. 7-мĕш класра вĕренекенсем Н. Евдокимов çырнă «Аманнă вăкăр» юптару тăрăх йĕркеленĕ инсценировкăна ăста вылярĕç.

Пурне те Чăваш чĕлхи кунĕ ячĕпе саламлатпăр.