Ака уйăхĕн 8-мĕшĕнче районта 7-9 классенче вĕренекенсем хушшинче «Туслăх хĕлхемĕ» фестиваль пулса иртрĕ. Кашни шкултан 1 вĕренекен хутшăнчĕ. Фестиваль 5 станципе иртрĕ. Чăваш чĕлхине лайăх пĕлнине те, тавçăруллă пулнине те кăтартрĕç шкул ачисем: «Чĕлхе-халăх мулĕ», «Ĕçне кура хисепĕ», «Чечеклен, аталан, тăван енĕм».Тата икĕ станцире  ачасен «Илемлĕх тĕнчи», "Пирĕн пултарулăх" чăваш литературинчи юбилярсен сăввисене илемлĕ вуласси, вĕренекенсем юрра-ташша ăста пулнине кăтартасси пулчĕ. Тăрмăш шкулĕнчен ку фестивале 9-мĕш класра вĕренекен Катя Семенова хутшăнчĕ. Пур станции витĕр те ăнăçлă тухса Катя 1-мĕш вырăн йышăнма пултарчĕ. Ака уйăхĕн 14-мĕшĕнче  вара унăн Тăвай район чысне хÿтĕлеме Шупашкара каймалла. Саламлатпăр, ăнăçу сунатпăр сана, Катя!

    «Шевле» конкурс та çак фестиваль программинех кĕрет. Ачасен «Ĕç çынни çулталăкне халалласа чăваш литературинчи хайлавсем тăрăх ÿкерчĕксем тумалла пулнă. Ку конкурсра  пирĕн шкулта 8-мĕш класра вĕренекен Диана Табакова  çĕнтерÿçĕ пулчĕ.. Маттур, Диана»